美國武漢肺炎疫情嚴謹，各行各業都支援抵抗人禍，音響界超級黑膠轉盤品牌VPI都出一分力，轉而關閉黑膠轉盤生產線，全力生產清潔洗手液，為有需要的居民送上一份洗手的心意。Hi-End音響做好事，疫情過後大家一定會重重“懲罰”你，反正VPI生產的優質轉盤又平又好聲美國人手製作，最緊要留得青山在.....美國加油香港加油頂住關鍵四月，疫情好返你來香港玩我帶路Sir.this way!

VPI係音響唱盤界金漆招牌,VPI成立於一九七八年由入門到超級Highend轉盤都有推出，非常專注係自己的領域當中，絕少像其他音響公司又出耳機又出其他產品，所以旗下黑膠產品歷久不衰，地處美國鄉郊過十年如一日的生活，長期生產得獎優質的唱盤，估唔到當美國以至全球經歷生死之月，最願意跳出來救援的係呢間家族式經營的黑膠集團。

佢地剛上週未係Facebook度公告，唱盤暫停生產，轉而不停做洗手液消毒液，而且會全部免費供應畀有需要的居民。雖然相比起各大企業做呼吸機做醫療用品，洗手液“細微細眼“但民生所需，必不能少。

連一間HIGHEND的小型音響廠都盡力協助抗疫，世界需要正能量，其實只要乖乖多留係屋企聽歌睇戲玩音響，就可以幫到呢個世界，勤洗手注意個人衛生老套但可以活到老。記住邊個做好事，以後買黑膠唱盤比個like佢優先試聽。