4年前《屍殺列車》帶起喪屍大熱，幾年過去呢種喪屍未世感覺濃罩全球。屍殺列車的南韓已經完全淪陷，無人知北韓抗疫專家金將軍是否還健在，不過防疫我只相信佢最可靠。如今第二集《屍殺半島》人面全非，係生還者的新世界。香港作為一線抗疫城市-第一收容港，唔止唔會封關仲提供醫療同無限量咁多武器畀（姜棟元）全副武裝反攻韓國，呢一集逃跑唔再係主流，戰鬥打擊殺戮才是唯一生存方法。當人類適應病毒下一步就係反擊，不過呢集主角係疫情底下任務居然係回國竊取巨額美金？？人類真係無得救...............係咪仲衰過出國旅行？

故事係發生於《屍殺列車》4年之後的事，以現今的理解，其實病毒應該已全球大流行，唔知有無世界衛生組織對於喪屍病毒有咩評論同指引。相信電影中香港可以收容到南韓難民就應該可印證世衛絕對可以對中國呢個國家同佢轄下嘅地區大讚特讚。經過香港接濟同收容，男主角正錫（姜棟元飾演）擁有好多唔同的強勁武器，全副夜視等裝備殺返韓國，目的就「膠」左少少，係返去竊取巨額美金，傻的嗎？美金自己印咪得囉，去搵「發哥」同「城城」教你印美金啦！不過聽故就唔好駁故住，呢個緊張刺激嘅歷險旅程重點係回到韓國後發現當地仲有生還嘅人類，故事馬上就發生改變...............題外話我覺得金將軍一定無事如果有第三甚至第四集，我想睇金將軍的抗疫大戰！

今集有國寶級男神姜棟元主演再加上原導演及其製作班底，還加上李貞賢以及演出過《素媛》實力童星李蕊等人。強大特技配上瘋狂殺戮4年後到底呢部香港史上No. 1賣座亞洲鉅製《屍殺列車》的第二集《屍殺半島》可否如期上映到呢？而家唔係講票房，係講可唔可以如期上映，今年夏天，雖遠但不確定。

 《屍殺半島》裡面餘返的人類到底點樣可以涯到四年咁耐？我地要捱到夏天等到下半年都好像無法遙不可及無法預知......到時有得入場一定要入場啦！喪屍圍城，人類進入滅絕狀態... 為咗生存，你可以去到幾盡？