Razer 早於去年就開始同 Pokémon聯乘推出唔同的產品，之前推出過滑鼠鍵盤等等電腦週邊，今回繼續未完成的聯乘企劃，將會於4月16日正式推出 Pokémon 比卡超 ( 皮卡丘)真無線耳機，耳機用左黃色主色調，印上Pikachu背影圖標，而最引人入勝的應該係呢款耳機的充電盒以精靈球造型設計，相當之鬼馬。

這款耳機肯定係賣樣，主機同之前推出的Razer Hammerhead True Wireless完全一樣，採用了13mm的驅動單元，據稱可提供清晰、平衡的音效以及低沉的低音，具有IPX4防潑淺及被動降噪矽膠耳塞套，佩戴時唔容易掉落。至於在其他功能方面，這款耳機具有藍芽5.0及自動配對功能，低延遲連接及支持觸控功能和語音助手。最主要的改變和吸引力在於造型，加上包括開機、連線、電量提醒等內建提示音都改成超可愛的比卡超叫聲，如果你係一個「比卡超」迷，一定會十分滿足。

醒神之處係個充電盒方面採用左精靈球設計，中央的LED指示燈會根據電量情況來顯示不同的燈光來顯示耳機的電量狀態，底部採平整設計避免無盡的滾動。而耳機與充電盒之間採用了磁吸式的觸點充電設計，當耳機輕觸吸附是就開始充電隨即使用。而在續航方面，單次充電只能夠畀到約3小時的續航，而配合充電盒使用則可以延長達15個小時。對於要搭長途車/機的用家來講算係有少少不足，不過行頭型仔緊要過一切。

然而最令人失望的係，是次Pokémon 的聯乘版權只係批授權畀中國一個地區，所以RAZER X Pokémon 的所有產品都只在中國開售，對好多人來講呢個缺點非常之嚴重，RAZER | Pokémon真無線耳機同樣將會係4月16日正式於天貓出售，作為一個中國，香港同台灣地區買家就算淘寶都要另外比運費，呢點你要清晰，當然你可以去同佢舌戰話要同全國一致兔運費或者佢肯講幾句口號，我比埋美國運費價錢都無所謂。 對了，訂購價係849人民幣

唔介意淘寶的可以去呢度：https://detail.tmall.com/item.htm?id=614189987028&skuId=4494158959157