{ SKIP }
文:MenClub 魏文青  圖:互聯網
POSTED ON 10 Feb 2015
Welcome Home!!Sony與Marvel在當美國時間2月9日宣佈《蜘蛛俠》將回重回Marvel的懷抱。即係話好快就有機會見到「美國隊長」、「Iron Man」、「雷神」同「蜘蛛俠」同台演出!!拍手!!歡呼!!!


有留意開Marvel電影的Gentlemen可能都會清楚,《蜘蛛俠》的電影版權一直都是由Sony擁有。00年代杜比·麥奎爾主演的《蜘蛛俠》三部大收旺場,到Marvel Studio出手帶起超級英雄風,Sony當然唔會放棄呢隻識生金蛋嘅雞。但所謂雙拳難敵四手,一個蜘蛛俠(嘅叫座力)又點會夠一隊復仇者聯盟抽?加上近年的安德魯·嘉菲版成績好壞參半,於是Sony就半推半就與Marvel達成協議,令蜘蛛俠回歸Marvel的世界。

根據雙方嘅公佈,蜘蛛俠先會於其中一套Marvel作品中(預計是講「英雄內戰」的《美國隊長3》)亮相,然後在2017年7月28日上映正式由Marvel製作的《蜘蛛俠》全新系列。安德魯·嘉菲亦會卸任《蜘蛛俠》。新作會由Marvel Studio負責製作,但仍由Sony出錢、發行及擁有。



睇返上年Marvel公佈嘅電影藍圖,2017年7月28日本來係上映《雷神3:諸神的黃昏》,即係話為咗蜘蛛俠嘅回歸,《雷神3》、《黑豹(black Panther》、《驚奇隊長(Captain Marvel)》、《InHumans》以及分成兩集的《復仇者聯盟3》的上映時間都會因此被打亂。再換言之,蜘蛛俠好有可能可以趕及出現喺本身已經排到2019年的《復仇者聯盟3》!


相信聽到呢個消息,所有人都會好開心--除咗DC Comic。大哥,我本身諗住用《正義聯盟》打你《復仇者》,你依家仲接埋蜘蛛俠回娘家,咁唔使玩啦!比條路行下好喎!


預計在明年夏天正式上映嘅《反斗奇兵5(Toy Story 5)》,近日流出一批疑似係劇照嘅渲染圖,隨住引起Fans們熱烈討論。事關相中唔見薯蛋頭先生及薯蛋頭太太嘅身影,令人擔心迪士尼會喺新一集刪走呢兩位經典角色。 ...
hobby
【影視】《反斗奇兵5》首批渲染圖曝光 薯蛋頭先生及太太或缺席今集?
09 Jul 2025
日本動漫文化於全球都有重大影響力,而隨住更多動畫登上各大串流平台,其受歡迎程度似水漲船高。近日Netflix就公佈最新數據,指出日本動畫嘅觀眾於過去數年間以倍數增長,到目前為止其全球訂閱者中有一半都會觀看日 ...
hobby
【影視】日本動畫成全球主流 Netflix指半數訂閱者近3億人觀看動畫
09 Jul 2025