《鬼滅の刃》早前已經正式完結，雖然結局唔少人都認為爛尾收場，但仍無阻大家對呢部動漫嘅喜愛。而除左動畫版入面出色嘅畫功之外，當中不時出現在畫面上嘅書法毛筆字型，可以話有畫龍點睛嘅作用，如今官方正式提供下載呢種字體嘅方法。

在《鬼滅の刃》出現嘅字體，係屬於變體嘅「日本昭和書体毛筆字型」，由84歲書法家坂口綱紀所寫的，目前已經登上昭和書体嘅官方網站，並同時支援Mac機及Windows兩個系統。

不過你唔好以為可以免費下載，文字唔一定係免費午餐，官方提供嘅兩種下載字體分別係「黑龍書体」及「銀龍書体」，兩款同時下載原本要價¥23,960日元，如今特價只需要¥3,300日元，唔使$240蚊，當係支持一下套漫畫，又可以型下。