大家仲記得Netflix紀錄片《Tiger King》嗎？雖然紀錄片就完咗，但有關Joe Exotic及其「死敵」Carole Baskin嘅故事就仲未完。紀錄片中有提到Joe Exotic因為侵犯Carole Baskin嘅「Big Cat Resuce」標誌而被告，裁定要賠100萬美金之後又一直冇賠過，最新發展就係法院裁定Carole Baskin將會接手Joe Exotic位於Wynnewood嘅動物園。

Joe Exotic曾經為避債而於2011年，將動物園的土地轉到母親Shirley M.Schreibvogel名下，Carole Baskin繼而告埋Schreibvogel女士。而又由於Schreibvogel女士於法庭作證時承認此事，所以法庭最後判定Carole Baskin獲得「G.W. Exotic Animal Memorial Park」的土地，及之上嘅幾個貸櫃建築物，同時下令目前租客，亦即係於Joe Exotic入獄後接手動物園嘅Jeff Lowe，需在120日，帶埋啲動物移出此範圍。換言之Carole Baskin終於以法律手段摺埋咗G.W.動物園，但就未獲得園內動物。