野獸派球星綽號「雨人」嘅Shawn Kemp，雖則未曾奪得NBA總冠軍，但係佢曾6度入選全明星陣容，亦曾於1996年帶領超音速打入NBA總決賽，憑住其勁爆式入樽深得球迷喜愛。要知道1996年NBA總決賽Kemp嘅對手就係「籃球之神」Michael Jordan，雖然未能阻止MJ奪冠，但已經令對方嚇出一身汗。

而當年Kemp嘅一款Reebok簽名籃球鞋Kamikaze II，絕對是其最經典嘅戰靴，而近日適奉推出25週年，因此聯合全新代言人同樣係野獸派嘅快艇球星之一Montrezl Harrell黎一次Kamikaze II嘅復刻。

Kamikaze II於1995年推出，主要配合其爆炸式嘅入樽特點，因此設計上以誇張嘅鋸齒狀圖案展示於鞋身，完全顛覆當時嘅籃球鞋設計。鞋側、鞋舌和鞋跟位置則縫上Reebok Vector Logo細節點綴。外底部分同樣以鋸齒設計搭配Hexalite 蜂巢型緩震技術，因此舒適度上乘。

建議零售價：$1199