夏日熱辣辣，夜晚瞓覺有時真係對唔住啲北極熊都要開下冷氣。不過除咗開冷氣之外，亦可以選擇有涼感嘅寢具，令瞓覺更加舒服！Uniqlo及Ikea就分別推出涼感寢具系列啦！

圖片：截自台灣Uniqlo

先講Uniqlo嘅AIRism寢具，顧名思義就係同佢哋嘅AIRism內衣、睡衣甚至口罩屬於同一系列，使用Cupra纖維，主打涼爽、柔滑、速乾，系列包括四色枕頭套及對應嘅四色床單，床單再分為單人及單人加大兩種大小。咁你問如果你瞓雙人床點算？唔知。實際上你喺香港我都唔知點算，因為AIRism寢具香港未有得賣，台灣就7月17日網上開賣，詳情請去Uniqlo台灣官網睇睇。

圖片：Ikea

如果要講香港買到嘅，就可以睇下Ikea嘅冰涼寢具系列。同主打通爽嘅AIRism唔同，Ikea寢具使用凝膠表層以及尼龍纖為等「不是隨體溫變暖的物料」，令你一瞓上去就Feel到涼，瞓耐啲都冇其他物料咁快熱。而且系列比較全面，包括枕頭 ($349)、枕頭保護套 ($199.9)、床褥墊 ($1,490)、床褥保護套 ($699) ，仲有涼被 ($499) 同冷氣被 ($299.9)都有！