LEGO同任天堂合作的樂高超級瑪利歐下個月就開售，早前，LEGO網上出片暗示將會係下一波推出以「復古遊戲機」作主題的新系列，點知，強大的網絡世界已經有澳洲玩家外流爆料，原來係一款超正LEGO任天堂美式紅白機連復古電視瑪利歐組件，型號為「71374 – Nintendo Entertainmernt System」外盒，內含 2,646 個LEGO零件，係一睇就知會爆紅的系列，據知將早前介紹過8月推出的樂高超級瑪利歐放上新系列電視機上仲會發出瑪利歐經典音效，呢個系列肯定全球期待度滿分！ (後續：LEGO正式宣佈此新系列於8月1日上市)

Are you ready to play like never before? pic.twitter.com/XuNFD7rP0B

— LEGO (@LEGO_Group) July 13, 2020

紅白機從來都係最具有消費價值的懷舊玩意，今次LEGO「復古遊戲機」完全捉正有錢中年一代對過去玩意的回憶迷思，全套由LEGO砌成，除左超型仔好睇，任天堂同樂高有花心思仔細看，轉動電視側邊的旋轉桿，畫面中的遊戲背景也會隨之移動。據知，今年8月即將推出的簡單樂高超級瑪利歐系列都可以同新任天堂美式紅白機進行互動

LEGO 目前未公布產品價格、發售日期，而能夠爆料的超級澳洲玩家就連價錢都知，據佢講歐美售價為 250 美元／230 歐元、2020 年 8 月 1 日上市。唔知咁樣比人大爆料，LEGO方面會點應對，會唔會當無人知，然後繼續作新發佈會將世人已知的講多次，反正點應對都好，呢個系列肯定「掂」，實大賣！！  

後加相片