大富翁有成85年歷史，曾經出過N個不同版本，而最新推出嘅85週年紀念版雖然玩法就係最基本嘅買地收租，但香港版嘅地段就非常有意義，因為係包括咗香港名人聚集地以及成交紀錄之處，換言之，佢基本上係一份香港樓價成績表黎！

圖片：孩之寶

85週年紀念品以「炫目世界」為主題，首先啲棋都變哂做金色，而收納嘅地段就唔再係一個地區，而係街道，仲要唔係普通街道，而係名人聚集或者尺價創紀錄嘅街道，咩都唔講就講最平嘅啡色地段，都已經係西貢同赤柱，之後更加有九肚山路、何文田山道、清水灣道、利園山道、加路連山道、數碼港道等豪宅地段，彌敦道、廣東道、百德新街、金融街、蘭桂芳等商業大街。而最貴嘅藍色地段依然由太平山佔領據，另一格就用上極具代表性嘅獅子山，亦係唯一同地價冇關嘅地段。

圖片：孩之寶

反正依家大家都冇得出夜街食飯，冇咩做咪喺屋企玩下大富翁，羨慕下啲富豪都算係打發日神呀？