吉卜力早年就公佈會於愛知縣建立「吉卜力主題公園」，本來就預計2022年落成，但大家都知呢一年肺炎疫情影響全球，咁究竟吉卜力公園仲可唔可以如期落成呢？吉卜力就話得！依家已經起緊啦！

圖片：網上圖片

據吉卜力最新公告，引述愛知縣知事大村秀章所指，吉卜力公園將於今個月28日舉行動功儀式，屆時吉卜力代表董事中島清文都會出席。最先動工嘅會係「青春之丘」，據報會整合《夢幻街少女》(亦有指為《哈爾移動城堡》)嘅場景，其中會一座可以俯瞰整個公園嘅高層電梯；隨後位於公園正中嘅「吉卜力大倉庫」亦會動工，以《千與千尋》主題，入面主要就係紀念品商店、劇場及美食廣場。

另外睇個名就知關於邊套動畫嘅《龍貓之森》亦屬初期動工之列，當中會有次子及草子嘅屋企，亦會遵循作品風格，環境會以郊野為主。三個園區預計都會於2022年秋落成開幕。

圖片：網上圖片

資料來源：Studio Ghibli Unofficial Fansite