Ladies & Gentlemen，有請復仇者門神！

文：MenClub Patrick　　圖：互聯網
POSTED ON 19 Feb 2015

早排同事魏文青貼咗中國插畫師張旺畫嘅高達同紅綠渣古門神，見到各位勁興奮，睇嚟真係好需要咁威猛嘅門神幫大家鎮住個門口，驅邪驅鬼。既然係咁，趁住大年初一，一於再贈多對門神畀各位！Ladies and Gentlemen，細蚊仔and大人，有請復仇者門神！

門口貼咗呢對美國隊長同Iron Man Mark 42門神，睇怕唔止中國鬼闖唔入你屋企，就連外國鬼、外星鬼、Loki、Ultron都唔敢行近呀！仲未夠勁？加碼貼埋對家DC Comics正義聯盟嘅Batman同超人門神啦！到時係怕引到大班鬼佬喺你門口圍觀咋！

居然將4位鬼佬英雄變成充滿中國風嘅門神，唔知畫嗰位網友是咪受到張旺啟發喇，不過張旺早兩年畫嘅柯柏文門神，就肯肯定深入民心到有人幫佢實物化整成首辦。唔知個首辦幾時喺淘寶有得賣呢？買個擺喺屋企，可能唔止能夠偏邪，直頭可以增強運勢都未定呀！

回帶Gundam同變形金剛門神