迎日網上流傳一張由Twitter用家「IronManPS5」發佈嘅「PS5價單」，當中列明PS5兩款主機嘅價錢之外 (光碟版499美金，下載版399美金)，更將大部份配件如手掣、手掣叉電座、3D Headset、遙控、以及主機直立座嘅價錢一併列出。而且更有發售日期。

據推測，「IronManPS5」及另一個Twitter用戶「PSErebus」背後為同一個人，而呢兩個Twitter近日發出多個關於PS5價錢及發售日嘅「情報」，除咗主機售價 (與之前情報相同) 之外更有配件售價。但更重要嘅佢指出PS5會於11月14日率先於日本發售，11月20日全球發售。並指預售日可能會定於首代PS推出25週年紀念日，亦即9月9日，距離今日只有兩個星期左右。

除此之外佢亦有爆出更為細節嘅情報，包括PS5嘅硬碟容量，扣除必要嘅系統軟件外，只會剩返約700GB左右，比起PS4嘅825GB更少；而一盒PS5中除咗有主機之外，仲有手掣、手掣叉電線、主機電源線同一條「高質」HDMI2.1線。