【中國電動車】中國小鵬汽車（XPEV）正式掛牌美國上市

利害了我的國，中國小鵬汽車（XPEV）日前正式掛牌美國上市，發行定價15.00美元，最終發行價超越招股書中11-13美元的定價區間，且增發了近1500萬股ADS。目標係成為高性價比的智能化汽車，劍指Tesla，你聽過未？係咪好想買返架？ 

小鵬汽車通過本次發行募集的資金總額約為15億美元，超出招股書預計的最高值12.71億美元。小鵬汽車由瑞士信貸證券（美國）有限責任公司、摩根大通證券有限責任公司和美國銀行證券公司擔任此次發行的聯合簿記管理人。

香港人可能唔太熟悉中國的小鵬汽車，佢地係電動車企業。8月27日係美股開盤，同期Tesla升2.5%，報2210美元，股價創歷史新高。小鵬汽車今次美國上市又估佢唔到認購幾火爆，其中阿里巴巴認購2億美元，Coatue認購1億美元，Qatar Investment認購5000萬美元，小米認購5000萬美元，上述4家一共認購總金額達到4億美元。不過當中Tesla的現有股東PRIMECAP Management Company都準備認購1億美元。我自己寫都覺得好似睇緊電影古惑仔當中洪興係酒樓聯歡會爭投關二哥貢品「長江」。

根據IPO文件，小鵬汽車公佈了旗下小鵬G3和小鵬P7兩款車型的交付量。自2018年11月開始生產G3車型，截至今年7月31日，小鵬已經交付18741輛G3車型。從今年5月起，小鵬開始交付旗下第二款車型P7，截至今年7月31日，小鵬已經交付1966台P7車型。小鵬汽車整體交付量達到20707輛。香港人就真係見到未見過，有機會大家可以上內地觀摩學習一下 除此之外，小鵬仲計劃係2021年推出第三款純電動轎車，擴展產品陣容。

小鵬汽車係一家掌握從設計、研發到製造全產業環節的智能汽車公司。定位為中高端電動車，致力成為高性價比的智能化汽車，其汽車電子電氣架構最接近Tesla，主打智能化。睇嚟將會係中國複製tesla的成功，未來可能係Tesla最大的競爭對手之一。