早前隨住《鬼滅之刃》、《排球少年》、《約定的夢幻島》等新生代熱門漫畫完結，動漫迷都好奇有邊兩部作品，能夠接「《Jump》三本柱」嘅地位——點解「三本柱」係搵兩部漫畫黎接任？因為當初「三本柱」之名嘅《One Piece》咁多年黎依然建在！但根據尾田老師接受電視節目《嵐ツボ》訪問時指，《One Piece》預計於5年內就會完啦！

え？
嵐さんの特番で尾田栄一郎先生が選ぶ天才だと思う人1位で霜降り明星のせいやって言うてはった… エグい
神に天才て言っていただけた。これは宴や
松潤さんぼく見てました…泣#嵐ツボ #ONEPIECE #黄猿が1番好きです pic.twitter.com/vAZHhmCL4z

— 霜降り明星 せいや (@simofuriseiyam) August 27, 2020

於節目中，尾田老師接受主持人兼日本偶像組合「嵐」嘅訪問，當中嵐成員之一相葉雅紀問到《One Piece》幾時會完，尾田老師直接回答大概仲有四至五年就完成整個連載，而且當另一名主持大野智追問時，尾田老師亦表現得肯定。佢亦非常有信心咁講話《One Piece》嘅結尾「一定會非常有趣」，而因工作需要而知道結尾劇情嘅《Jump》負責編輯都同意尾田老師嘅講法。

事實上，上年年尾時尾田老師已經提出「五年內完結」嘅計劃，今次亦只係再次確認計劃冇變——當然計劃係一回事，實際上畫成點又可能另一回事。