中國的新球季英超直播停止了，原因好簡單，唔畀錢咪停服務，9月12日中國人合法睇英超電視直播的夢已碎。我認為重點在於中國內地媒體的態度，佢地非常樂觀，覺得要急如熱鍋上的螞蟻的係英國人，14億人的市場，佢地預計英超肯定就轉播事宜重啟談判，仲認為到時新合約肯定讓英超版權價格更加合理。 即係違約重新講價，簽哂約有疫情停賽點解仲要我地比錢？蘇寧PPTV話之前已經「超額預付版權周期費用」，英國人應主動要割價正所謂「今日割五成明日割十成..........

件事就好單純，唔跟合約畀錢，英超就取消播放權，原定的合約係2019至2022年3季的英超轉播權作價5.64億鎊（約58億港元）成交，不過早前英超停過一排，於是蘇寧就係今年3月起拖欠1.6億鎊轉播費，到近日英超賽會宣佈，正式即時與中國的英超轉播商終止合約，並不會再就事件發表評論。

The Premier League confirms that it has today terminated its agreements for #PL coverage in China with its licensee in that territory.

The #PL will not be commenting further on the matter at this stage. pic.twitter.com/2TuwZeM9m4

— Premier League Communications (@PLComms) September 3, 2020

咁係咪代表中國無得收睇英超，理解上電視直播係，而實際上中國球迷仲可以以網上串流直播方式睇到，此為正途。當然中國人倘有好多非正途的方式睇到英超。然而，英超賽會以至所有其他國家的大型體育賽事直播，叫外國人日後會如何看待中國這個地區的合約精神呢？其實因應疫情問題英超無打足，當然應向英超賽會提出控訴合理索償，外國播英超的英國廣播公司Sky同北歐的廣播公司都要求英超提供巨額退款，但如果先違反合約唔畀錢，就應輸在起跑線，點睇都係理虧一方。

至於好多人關注的香港英超直播問題，香港向來被14億人認為是中國一部份，但從來香港的體育直播合約都係獨立簽訂，而且香港一度係全球最貴的合約，但正正是香港早年的香港樂視倒閉事件，英超直播權輾轉由now TV接手，now TV 未有披露2019至2022年新轉播合約金額。未知中國內地係咪前車可鑑，想再一次由另一間公司以較化算價格重新簽訂合約。

多年來香港球迷都羨慕中國內地球迷可以免費睇到多種大型體育賽事直播， 未來真係唔知會唔會風水輪流轉定還是殊途同歸！反正香港人9月12日準備坐定定迎接英超開鑼！睇大戰睇好波啦