一場疫症打亂左整個世界，睇返上年的《復仇者聯盟4：終局之戰》可能係真實意義上的EndGame，從此Marvel打窒度氣，而家上緊的FOX X-Men《新異變人》 都係無辦法令入投入到曾經鼎盛嘅復仇者英雄世界，如果你相信一切仲可以回到「正常」，MARVEL仲有《黑寡婦》，無錯幾乎已經遺忘左Scarlett Johansson的前傳，台灣同美國都出左最終極新預告11月美國上映追憶一下黑寡婦謎樣過去，再啟後新黑寡婦Florence Pugh接班，接連的仲有下年2月宇宙級《The Eternals》！Marvel新盛世仲有無機會再實現？起碼Marvel班英雄未中招抗肺炎能力強過DC先贏一場！！

發左九個月的夢，大家醒未？世界未停，仲會向前行，不過軌跡可能已改變，好彩外國傳媒係《新異變人》發佈的同時更新左《黑寡婦》預告同劇照，又畀我地睇到本來今年最令人期待的Marvel前傳大作原來仲係度，如果大家唔記得左有《黑寡婦》，提提大家，今次前傳原來係講壞人主角Taskmaster控制左俄國用來訓練同調教黑寡婦的Red Room (唔好心邪！)。Scarlett Johansson當然要對抗邪惡的Taskmaster。然而實際劇情可能要入場先知實況，起碼睇到黑寡婦這一家人係一Team，唔係或者未必係孤軍作戰。

當然其實如果大家有鋪Marvel癮，絕對可以得閒搵間戲院衝入去睇住X-Men新世代的《新異變人》頂一頂，起碼我話你知好睇過《變種特攻：黑鳳凰》了解下一班細路的內心戲，而家個時代細路係值得支持下，捱到11月再去追憶下《黑寡婦》！！