美國明星素來都唔會怕講政治，呼籲大家去投票行使公民權力更加係成日都見，例如早前「美國隊長」Chris Evans「大雕照」後第一個Twitter貼文，都係叫大家去投票。而另一Marvel男演員、號稱「MotherFxxker本尊」嘅Samuel L Jackson亦於Twitter上用一個特別嘅方法叫大家去投票，就係教你講粗口！仲係多國語言粗口。

Listen up - If 2500 of you click a voting action below to make sure you’re #GoodToVote, I will teach you to swear in 15 different languages. Go to https://t.co/nVk8WzUm8N now! pic.twitter.com/g4eUmHwuP9

— Samuel L. Jackson (@SamuelLJackson) September 14, 2020

Samuel L Jackson早前於Twitter上發佈一條片，話只要有2500人應承會去投票，佢就會教大家用15種語言講粗口，結果當然就係好快夠數。而佢亦履行承諾，於Twitter再拍一條片教大家講粗口。雖然十五種語言中，絕大部份大家應該連個名都冇聽過，當然就唔會知佢鬧緊乜，不過我憑住Google Translate嘅幫助，估計大部粗口都係同「老母」有關。好可惜嘅就係佢冇揀到廣東話囉！

You guys showed up and blasted through our Voter Action Goal for #GoodToVote! So as promised, here's some Cussin' 15 ways to go! Thanks for getting involved and make sure to #vote on Nov.3rd! #votemask @faircount @fairfight #MKsaysVote #yourvoicematters pic.twitter.com/6GkHudrm53

— Samuel L. Jackson (@SamuelLJackson) September 15, 2020