大富翁Monopoly呢隻經典Board Game相信唔少人都一定玩過，而其中山頂就更加係必爭之地。不過玩得多都會悶，所以之後不斷推出唔同款式，而最新一款就啱晒各位龍珠迷啦！

今次Monopoly推出以《龍珠超》當中嘅力之大會為主題嘅版本，其中以往用黎行嘅旗變成第二、三、四、六、七、九、十以及十一宇宙嘅破壞神代幣，另外以往嘅機會及命運卡則變成「Gods」以及「Warriors」，而遊戲當中用黎交易嘅錢就以兩隻「全王」為主題。

而大家今次用破壞神代幣一路行唔再係爭地，而係爭一眾龍珠角色，其中以往兵家必爭嘅山頂換成最強嘅自在極意功悟空，當然仲有爆衫吉連、完美比達等，龍珠迷即刻買黎玩同儲啦！

購買點: Amazon

售價: $50 美元