{ SKIP }
文:MenClub 魏文青  
POSTED ON 05 Nov 2020

講起日本男子組合「SMAP」,大家應該數得出成員包括中居正廣、木村拓哉、稲垣吾郎、草彅剛同香取慎吾,但大家未必知道最早期嘅SMAP其實有6位成員,而最後一位,就係於1996年為咗成為電單車賽車手而退隊嘅森且行,當年退隊之時,佢向Fans們承諾會成為日本最頂尖嘅賽車手,而到咗24年後嘅今日,佢終於兌現對Fans們嘅承諾,成為日本冠軍!

森且行於「Odds Park杯SG」嘅決賽中一起步就登上第二,中段短暫跌落第三,但前方兩名車發生意外退賽,森且行把握機會成為第一,並成功守住第一名完成賽事,首次奪得SG級賽事冠軍。森且利賽後於頒獎台上激動落淚,當被問終於贏到首次冠軍嘅感想時,佢就話「好開心終於可以完成當年嘅承諾,呢個冠係我欠咗朋友及Fans嘅」,亦話想與最支持佢嘅爸爸分享喜悅。

而SMAP成員香取慎吾亦於IG及Twitter上傳與森且行、稲垣吾郎及草彅剛嘅合照,並留言指「森且行又搞喊我。1996佢退團時我喊過,3年前大家再見返我又喊,依家見到佢成為日本第一我又喊,多謝你令我流下兩次開心嘅淚水。恭喜你成為日本第一,約食飯啦!」而草彅剛亦於Twitter上轉發香取慎吾嘅貼文恭喜森且行,亦多謝佢完成當年嘅夢想與承諾。

稲垣吾郎則透過經理人公司表示,當年大家揀咗唔同嘅路,但依家都有各自嘅成功,希望森且行未來會更好;而當年陪住森且行向傑尼斯事務所提出退隊嘅SMAP隊長中居正廣,同樣透過經理人公司表示「恭喜你呀!你做到了!經歷咗咁多…你又曾經受過重傷,但我好慶幸你堅持落去!」令SMAP Fans們稱為「SMAP大團結日」。

Robert Downey Jr. (RDJ) 以及 Ryan Reynolds都係充滿個人魅力及性格嘅當紅演員,不過或者就係因為佢哋太有性格,所以近日就傳出二人於《Avengers: Doomsday》嘅片場中炒大鑊,甚至要Marvel介入先平息事件。另一方面 ...
hobby
【影視】網傳RDJ與死侍於《Doomsday》片場炒大鑊 消息人士闢謠:「佢兩個都無見過面」
28 Aug 2025
1 最近一款以港式警匪片為題材嘅雙人合作遊戲《港警成雙:來自城寨》公開首部預告,除咗還原出舊式唐樓、九龍城寨、霓虹街道等香港特色場景,仲要有爆晒粗嘅粵語配音對白,而且兩位主角仲有啲似甄子丹同劉德華... ...
hobby
【電玩】 雙人合作遊戲《港警成雙:來自城寨》預告公開 港產警匪片劇情+粵語配音+港式武打
27 Aug 2025