作為史上最受歡迎、最成功嘅魔幻電影系列當然係《魔戒》(人家有拎過奧斯卡最佳電影架)，所以即使十幾年後嘅今日，其週邊都係出極都有。例如早前Prime 1 Studio嘅「Premium Masterline」就推出一系列來自《魔戒》電影嘅1/4雕像，最新就有來自《雙城奇謀》嘅勒苟拉斯 (Legolas)。

圖片：Prime 1 Studio

由Orlando Bloom飾演嘅精靈勒苟拉斯，於整個《魔戒》三部曲中有兩個令人印象深刻嘅場面，一個就係諗下都知冇可能出到雕像、出到你都冇位放嘅「射大象」一幕，另一個就係今次Prime 1 Studio使用，於《雙城奇謀》守護聖盔谷時用盾牌做滑板，一路「Sir」落去一路射死啲半獸人嘅一幕。雕像唔單止還原咗Orlando Bloom個靚仔樣，佢身上嘅裝束皮甲箭袋亦一一還原，飄逸嘅長髮與斗蓬亦加強動感。另外亦有城牆地台、中箭嘅半獸人頭部等細節。售價999美金，預計2022年第一季出貨。

而且佢仲有個Bonus Version，就係多咗個同時拎三支箭嘅替換部件。

圖片：Prime 1 Studio