【殲滅】網上有人將成部全新PS5放入工業粉碎機攪碎摧毀 

唔該！要一部PS5攪碎！有人買唔到PS5而惆悵，外國卻有人拍片將成部新買PS5連配件一件件放落大型工業粉碎機攪碎，此人頻道專門上傳將唔同物品放入粉碎機作殲滅式精神治癒。咁浪費當然收到好多dislike，不過網絡世界從來唔怕你「嬲」最怕你唔來，每一個dislike都係一個點擊率，但點解要咁樣對 PlayStation 5？唔要不如畀我啦！

將唔同物品放入粉碎機呢種破壞性宣洩情緒嘅心理有時係幾有趣，但如果粉碎嘅係相當渴市嘅PlayStation 5！好多人就會覺得咩咁浪費呀！不過原來PS5 本身因外型結構的問題，沒有辦法一口氣成部丟入去攪碎，甚至中途要數度停低機器調整角度，先成功將整個 PS5 主機完全破壞。

除左PlayStation 5主機，佢仲粉碎哂DualSense 手制、線材等其他跟機物通通攪碎了，仲粉碎左好多PS5機迷嘅心..........唉！世界從來都唔公平，有些人如我想買都無錢又買唔到。