由「國民老婆」新垣結衣BB及星野源主演嘅《逃避雖可恥但有用 (下稱《逃恥》)，於2016年播出時大受歡迎，近年日本方面亦不時有重播，今年5月時因為疫情令當季日劇製作受阻時，《逃恥》更加推出加入未公開片段製成特別篇黎救亡。黎緊1月2日更加有新嘅特別篇！

特別篇全名為《逃げるは恥だが役に立つ ガンバレ人類!新春スペシャル!! (逃避雖可恥但有用 加油呀人類!! 新春特別篇) 》，故事以2019年開始連載嘅「結婚生活篇」為主，講述森山實栗 (新垣結衣飾演)及 津崎平匡 (星野源) 結婚後三年嘅生活，而且結衣BB仲 (疑似) 有咗！我淨係幻想下點解結衣BB會有咗我就…我唔得啦…紙巾紙巾

《逃恥》新春特別篇將於2021年1月2日下午九點到11點25分，於日本TBS播放。