「安全裝置解除！」

「系統切換。」

「Goldion Hammer！！！」

「給我變成光吧！」

《勇者王》可以話係歷史最熱血嘅勇者動畫之一，聽到上面嘅對白，真係即刻成個人都熱血晒。

當中上面嘅對白就係主角勇者王GaoGaiGar使出最強武器Goldion Hammer時，需要基地人員解除安全裝置先可以使出的，主角GaoGaiGar將可以同鐵搥機械人黃金雷神合體，使出Goldion Hammer，將敵人打至粉碎。

而近日日本 BANDAI SPIRITS 公司宣佈將於明年6月發行上面提到嘅《勇者王》最新商品「GX-69R 黃金雷神【究極的勇者王Ver.】」，到時佢將可以同超合金魂 GX-68X 嘅GaoGaiGar合體，變成為可以使出Goldion Hammer嘅型態，型到爆。

呢位GX-69R 黃金雷神將可以有數個型態，其中包括機械人型態、使出Goldion Hammer時嘅手臀型態以及運送鐵搥時嘅域垣克車型態，另外鐵搥則是獨立存在的。