國際奧委會日前正式通過巴黎奧委會提出嘅2024巴黎奧運比賽詳情，除咗定哂大項小項嘅數目及參與人數之外，巴黎奧委會提出嘅四項新運動，Break Dance、攀岩、滑板、滑浪亦正式確認成為新比賽項目。

巴黎四項新項目中，其實除咗Break dance (奧運正式比賽名叫Breaking) 之外都唔算真正嘅「新」，因為攀岩、滑板及滑浪其實都係東京奧運嘅新增項目，但大家都知東京奧運因為疫情而延期一年，所以目前黎講，以上三個項目其實未正式舉行過奧運比賽。而除以上四項新增項目之外，會議中其實仲有41個新項目被提出討論，包括海洋賽艇以及跑酷 (Pakour)，但奧委會指除非放棄部份原有項目，否則就一樣都搞唔到。

圖片：IOC

除咗新增項目之外，奧委會亦指巴黎奧運參賽人數會減少至10,500人 (東京奧運預計係11,092)，各個項目加埋嘅總小項會少咗10個到329個。另一個奧委會大肆宣揚嘅，就係巴黎奧運嘅男女運動員數目將會完全一樣，係歷史上首次。當中有22個小項會係混合性別比賽，32個大項中有28個係「性別平等」，即參加比賽嘅男女隊伍、甚至運動員數目都係相同。

上週舉行嘅Red Bull BC One World Final，淨係Youtube直播都吸引超過170萬