雖然由Riot開發嘅《League of Legends》於2009年推出之後就橫掃全球，但日本就要等到2016年先有屬於自己嘅伺服器，所以對日本玩家黎講，《LOL》都可以算係「新」遊戲。咁新遊戲就當然要宣傳下啦係咪？所以日本新生銀行就推出首張《LOL》Mastercard啦。

圖片：Mastercard via PRTimes.jp

雖然唔係《LOL》第一次推出信用卡，但呢張以被稱為「Riot親生仔」嘅伊澤瑞爾為主題嘅信用卡，乃係日本首張以《LOL》人物為設計嘅信用卡。而且只要符合條件，仲可以獲得原本要用真錢先買到嘅遊戲禮物包、伊澤瑞爾人物造型等近新優惠。雖然香港玩家就冇份申請，但睇下都好呀。