呢排天氣咁凍，學農夫話齋就真係「離開個床冚仲難過遠離毒品」，有時甚至連伸隻手出黎撳電話都嫌佢凍。如果你都面對緊呢啲問題，咁由日本電競週邊廠商bauhutte推出嘅呢張「Gaming毛毯」就應該啱哂你啦。

圖片：bauhutte

簡單黎講，呢張Gaming毛毯就係一張被，不過開咗兩個窿等你可以伸對手出黎撳電話、打機，同時個身都仲有嘢冚住，而隻手唔使伸出黎嘅時候就可以扣返實兩個窿就唔會漏風。張被外層用上功能性纖維、入面包住重約1kg嘅棉花，能夠有效保住暖空氣同時又通風，保暖性強到著名日本網紅伊織もえ著住件底衫仔都夠暖，仲可以成張掉落洗衣機。

大小方面就有200cm x 160cm，有黑、紅、藍、綠四隻色。賣一萬Yen多啲，即係約HK$815左右。

圖片：bauhutte