早喺2018年，Steam母公司Valve同《完美世界征奇（上海）多媒體科技有限公司》已經傾好推出一個中國版Steam，仲改咗個對中國玩家貼地得嚟又不失原版神粹嘅名「蒸汽平台」。當時消息一出已經引起一眾中國玩家們崩潰，紛紛表示堅持「一Steam原則」。

截圖至微博

但要嚟嘅始終都要嚟，12月21日「蒸汽平台」於微博上宣佈將在明年1月16至17日開放試玩，仲講明「蒸汽平台實驗室，與你不見不散」、「海量活動獎品等著你哦！」。雖則有活動玩又有禮物拎，但中國玩家應該就開不了心啦。

圖片來源：WIN.GG

事關曾經有外國遊戲媒體測試中國版Steam，發現每次開Game玩個陣都會彈個持續5秒嘅「健康遊戲忠告」溫馨提示，以及平台上會員名稱同頭像都唔可以隨意更改。最重要嘅係測試員喺中國時間5：00 AM登入《CS：GO》時，竟然彈個Warning話10：00PM至8：00AM唔可以打機，叫玩家早啲唞下。

中國玩家們喺微博留言「不要過來！」「快滾！」嚟表示佢地嘅不滿。

圖截至微博

中國玩家經歷完PS4同Xbox One鎖區後，依家連最後一片淨土都無埋，亦都唔知之後其他3A大作會唔會過到中國審查機制，能成功於「蒸汽平台」上架，否則中國玩家就要做好準備以後玩和諧又健康嘅遊戲。但對於國外玩家而言，可能唔洗打機成日遇到外掛了~