大部份人將矽膠公仔只當成情慾發洩工具，但有人卻將矽膠公仔視為終身愛人，早幾年哈薩克運動員「yuri tolochko」宣布同矽膠公仔女友「Margo」結婚，日本亦有唔少同矽膠公仔拍拖嘅例子，大家又知唔知原來香港都有類似嘅事！

香港男士謝天榮先生非常鐘意《新世紀福音戰士》入面女角色明日香，專登定製咗個明日香矽膠公仔做女朋友，成日幫佢買衫扮靚，不時喺網上放閃大曬恩愛。同一般人拍拖一樣，大時大節會同女朋友慶祝，就喺上年明日香生日，佢就非常有心思咁買咗個印有明日香樣貌嘅生日蛋糕，仲送iPhone 12 Pro做生日禮物，真係羨慕死其他女仔。

（圖片：Facebook@謝天榮）

謝生最近宣布喜訊，自己要升格做爸爸啦，家庭增添多一位新成員，喺Facebook曬一家三口全家福。唔少網民都留言祝賀，亦有人表示「BB個樣似媽咪多啲」、「期待BB返學」、「有冇諗著生多個」。

（圖片：Facebook@謝天榮）

資料來源：Facebook@謝天榮