有時候啲大時裝品牌嘅設計唔係個個都能夠理解，最近全球知名品牌Louis Vuitton就出咗2021年春夏系列，當中有幾件衫非常前衛，利用「充氣」作為元素，設計出充滿個性別樹一格嘅背心外套，售價為$27,000港幣。

（圖片截至：LV）

據官網介紹，充氣背心靈感嚟自上海時裝展上嘅巨型充氣公仔，背心以透明天然PVC及極度輕盈嘅Monogram帆布混合製成，飾以V領及正面中央拉鏈。大家都見到背心上有吹氣位可隨意充氣或放氣，塑造唔同時尚造型。而另一款全透明就無用到Monogram帆布，但PVC膠上面印有LV經典壓花圖案。

齋睇件衫好似無咩特別，極其量都只係似快遞用嘅防撞泡泡紙。但一碌落少少睇Model上身示範照片，就發現著上身有啲似救生衣，感覺非常安全，就算唔小心趺落海都應該可以浮起。