電影《22世紀殺人網絡》(Matrix)一共有三集，整個系列絕對係荷里活最經典作品之一，其中主角奇洛李維斯嘅避子彈動作亦成為標誌性動作，無人不識。不過就算係最後一集嘅《Matrix》，都已經係2003年嘅事，亦即係18年前。當年嘅主角奇洛李維斯只有38歲，如今都已經56歲了。

而較早前已經有消息指《Matrix》將會推出第四集，就算知道去年11月已經完成拍攝，但電影嘅大部份資料及內容都一直非常保密。不過近年卻百密一疏，被當中嘅人員洩漏電影名稱 - 《22世紀殺人網絡 - 復活》(Matrix Resurrections)。

一位《Matrix》嘅髮型師Terry，近日就喺IG入面展示出一封感謝信，寫上感謝有份參與《22世紀殺人網絡 - 復活》(Matrix Resurrections)嘅製作，而呢封信亦充滿《Matrix》嘅經典風格。

原定最新一集嘅《Matrix》將於2022年上映，但結果估佢唔到竟然提前至今年年底，並會與戲院及HBO Max同步上映。