你記唔記得麥望過去的包裝設計？可能香港人只記得麥當勞叔叔同佢班朋友們，自從麥當勞快餐2016年轉換新包裝設計之後，今年2021年麥記將會再一次更新換代，全新設計以圖像作主導，簡約鮮明，睇圖就即時領略食物的重點，大家鐘唔鐘意呢個來自英國設計公司的新概念呢？至於獨立經營的中國麥記金洪門會唔會用呢個新設計暫時就無法確認。

據設計媒體designboom 公佈，麥當勞公司已經委託英國頂級設計公司 pearlfisher 進行新的包裝設計，將於全球作更新轉化。新包裝設計以圖像主導，一改過去文字先行的風格。例如新的魚柳包使用海浪圖案，象徵來自海洋的魚；麥芝蛋就用白紙上加黃點一個，言簡意清；芝士漢堡就係一個融化芝士的橫線。

今次新世代系列設計簡單，鮮明而好玩，根據 Pearlfisher創意總監  Matt Sia 所言，麥當勞標誌性的食物都係「簡而美」。設計針對食物的特色，以最特別、最容易識別、最具標誌性的方式呈現，佢形容係生活化中注入個性美感，「激活麥當勞的品牌之餘，令每個人享受美味和美好的時光。」而且設計令麥記員工可以更簡單操作，簡單識別，新包裝預計將於全球應用。