日本知名玩具模型公司BANDAI正式推出全新系列ULTIMAGEAR，首款商品係《遊戲王》七大千年神器之一嘅「千年積木」。入面有冇法老王靈魂就唔知，但廠商唔附送說明書，唔通要大家好似武藤遊戲咁砌8年先砌好？

有睇過《遊戲王》嘅朋友都知，主角武藤遊戲從爺爺到獲得「千年積木」，相傳三千年嚟從未有人成功組裝，連就有主角光環嘅遊戲都要花8年時間先組裝完成，令佢可以同古埃及法老王嘅靈魂交換身份。

今次BANDAI透過組裝模型重現「千年積木」，整個模型總有33件拼圖。玩家首先要從框架上剪出零件組成積木拼圖（呢Part有說明書）。得到33件拼圖後，就要自己諗辦法砌返好個「千年積木」，完成體全長約10cm。

模型售價為3,850日元（約$270港幣），預計8月公開發售。