唔少外國勢力公然拒絕用新疆棉，咁偉大嘅中國梗係要反制下，一眾愛國明星梗係跟風同呢啲外國勢力品牌斷交啦，咩Nike、adidas、New Balance一律唔用，要用就梗係用國內頂級品牌李寧、安踏、喬丹、New Barlun、NKIE、adadis等。不過內地同胞就真係令人失望，近日竟然仲繼續網上瘋搶Nike嘅新鞋，有無搞錯。

據指內地雖然有大批同胞不恥Nike等品牌嘅言行進行抵制，但仍有一大批人為左一款Nike新款波鞋而進行預約搶購活動，近近時間內竟然多達34萬人預約。唔單止係咁，仲有一個統計指，如果Nike進行貴價波鞋半價以上折扣活動嘅話會唔會買，竟然超過45%人選擇購買，比唔買既人多出7%，大佬又話抵制！

其實現實已經擺在眼前，擺到明係班外國品牌唔岩啦，抵制就梗架啦，但呢班同胞公然預訂Nike波鞋，仲要話會繼續買佢地嘅野，實在太令人失望，可唔可以唔好次次都咁「口裡說不，身體卻很誠實」呀.....加油啦同胞們！