曾經LG係可以同Samsung一爭天下嘅韓國手機品牌，同時亦係繼Apple同Samsung之後全球第三大嘅手機製造商。不過可惜，近日佢地正式宣佈因為長年虧損，所以將會結束智能手機業務。

據最新消息指，LG宣佈將於7月31日起停止生產及出售手機，呢個決定將會令佢地嘅收入大跌，但卻可以幫佢地止蝕，因為手機業務過去6年令LG累計已經蝕左5萬億韓圜，亦即係大繼44億美元！而退出手機業務，外界預計將可以令佢地獲得1萬億韓圜嘅利潤。

手機業務嘅失敗主因，係LG旗艦型號軟件及硬件經常有問題，同埋軟件嘅更新速度實在太慢，令消費者購買意欲每況越下，最終更換品牌。

睇番啲數據，LG於手機市場佔有率僅得2%，出貨量只有2300萬部，不足Samsung嘅十分一，所以今次斷然放棄手機市場亦係無辦法之中嘅辦法，或者未來營利回來之後，再睇下會唔會重新進入手機市場吧。