現時正值士多啤梨當造季節，最近日本有酒店推出期間限定士多啤梨自助餐，將酸酸甜甜嘅士多啤梨融入中西方料理，以創意菜式挑戰客人味蕾極限。

（圖片截自：TBS NEWS）

最近東京灣東急酒店推出限期間定士多啤梨自助餐，收費每位4,000日圓（約$285港幣），等大家可以食盡各種精心炮製嘅Fusion菜式。

（圖片截自：TBS NEWS）

雖然睇落好似好伏，但去幫襯嘅客人就表示覺得幾好食，好有新鮮感。特別係士多啤梨咖哩，一開始仲以為會好怪，點知食落發現原來幾好味。

（圖片截自：TBS NEWS）

而最特別嘅士多啤梨麻婆豆腐，記者就話一入口充滿濃郁花椒味，其後再出現士多啤梨嘅淡酸味，非常開胃又好食。至於隻味係咪真係夾同好食，有實驗精神嘅朋友不妨喺屋企試下煮，我會等待大家嘅食評！

資料來源：TBS NEWS