經典遊戲《小朋友齊打交》作者王國鴻（Marti Wong）前早就宣布將重製LF2，令一眾機迷期待萬分。佢喺今日宣布又有新搞作，推出「萬人齊打機NFT」計劃，邀請10,000名LF2玩家共同鑄造一個龐大NFT，拍賣利潤70%將分享畀參與者同作公益用途，希望同各位粉絲一齊締造歷史。

Marti Wong表示籌備LF2重製版嗰陣突然諗到個Idea，希望將N條「LF2多人打機片段」拼湊成一條大型影片，再鑄造成一個「萬人齊打機NFT」拍賣，締造出世上第一個萬人參與嘅NFT。佢相信好可能會賣到一個唔錯嘅價錢，同時又可以宣傳呢隻遊戲，並計劃將拍賣利潤50%分畀參與者，20%作公益用途。大家有興趣可以去官方網頁了解更多。

目前Marti Wong已經著手製作緊LF2重製版，早排就POST咗張重製版Davis（拳佬）嘅相上Facebook，希望可以快啲見到作品問世！