隨著電腦動畫技術發展成熟，近年虛擬YouTuber（VTuber）熱潮席捲全球，當紅VTuber甚至比大部份真人Youtuber更受歡迎。當中日本VTuber市場規模最為龐大，目前世界前5位高收入VTuber全部都嚟自日本，每位贊助金收入勻超過1億日圓，逐漸成為新興娛樂事業。最近影音串流平台Netflix亦入鄉隨俗，推出自家首位VTuber「N子黑野明」（N子・メイ・黒野），擔任Netflix日本動畫（Netflix Anime）推廣大使。

「N子黑野明」角色設定為「羊獸人」，以充滿日系風格嘅可愛白髮造型示人。不過佢就唔似其他VTuber咁有各種奇幻人物設定，直接承認自己係美國出生長大嘅Netflix員工，精通日文同英文，興趣係唱歌、跳舞及按摩，唔擅長書寫漢字，未來將會為大家提供更多Netflix動畫消息。

「桐生可可」係現時VTuber界「一姐」，總共有108萬訂閱數，累計贊助金收入達2.1億日圓。

「N子黑野明」另外亦提到，日後希望可以同其他VTuber合作，一齊直播打機同唱歌，唔知會唔會當紅VTuber「桐生可可」合作呢？

資料來源：playboard