日本成人情趣用品生產商TENGA可以話係一個「不務正業」嘅品牌，繼出完朱古力、手機殼、花炮之後，最近就推出「紙巾帽」。雖然我諗極都唔明頂帽可以點樣情趣法（諗到嘅留言畀大家知），但就覺得好似幾實用。又或者TENGA只係單純想出頂「貼心」嘅帽，等用家可以喺女神打乞嚏、喊、整污糟手仔嗰陣瞬間遞紙巾。

直到我睇完佢輯宣傳照，就好似明白箇中玄機。啲相除咗展示各種情景應用，例如女神喊、食雪糕整污糟手仔、擤鼻涕等等。只要你身高高過對方，當每次彎腰遞紙巾嗰陣，你嘅視線就會聚焦落某個部位，唔通呢個就係TENGA嘅本意？不過就算有計謀，都要付出加以實行，頂帽售價為2,500日圓（約$170港幣），想做貼心好男人嘅你，可以到官網了解更多。

（圖片截自：TENGA）

資料來源：TENGA