據外媒《Variety》報導，日前央視CCTV-6電影頻道公布2021至2023年Marvel電影上映檔期嗰陣，10部MCU新片入面唯獨冇咗《Shang-Chi and the Legend of the Ten Rings（尚氣與十環幫傳奇）》同埋《Eternals（永恆族）》，意味著兩部大作極有可能無緣於中國上映。

（圖片截自：微博）

據報導，Marvel第一部華裔超級英雄電影《尚氣》一直充滿爭議，首先係由梁朝偉所飾演嘅角色「滿大人」，被指同原著有抹黑中國人、辱華意思嘅大反派「Fu Manchu（傅滿洲）」相似。雖然Marvel為咗避免爭議，已經將電影入面嘅「滿大人」改名做「文武」，但中國媒體同網友明顯就不食這一套。其次，就係男女主角劉思慕、Awkwafina長相被認為係外國對中國人嘅刻板印象，遭到中國及海外華為強烈批評。

《尚氣》男女主角長相被指係外國人對華人刻刻板印象。

而另一部嘅大作《Eternals（永恆族）》，就因為導演趙婷過往言論被指辱華，而遭到中國封殺，就連早排拎奧斯卡最佳導演獎都冇咩中國媒體肯報導，而佢部得獎作品《Nomadland（浪跡天地）》更加唔使講，同樣被中國封殺。

《Eternals（永恆族）》導演趙婷。

資料來源：Variety