電競已經唔再可以用傳統打機嘅概念去諗，佢已經係一個算得上非常成熟嘅電子運動產業，其戰隊甚至已經可以類似睇成為一支職業球隊，擁有自己嘅粉絲群，因此戰隊嘅周邊亦不斷推陳出新，當中就包括戰隊服飾。

Talon Esport最近就為早前推出嘅衣著系列加入三款《PSG x Talon》獨家T恤，當時推出獨家服飾係為左紀念PSG Talon職業戰隊喺4月中贏得2021年太平洋職業聯賽春季賽冠軍，兼且獲得代表PCS前進冰島雷克雅維克MSI季中邀請賽嘅資格。

而呢幾款獨家T恤，由曾擔任Nike東南亞區Studio設計總監及現職Talon Esports設計總監嘅Lance Chiu所設計，服飾靈感源自PSG、英雄聯盟以及電競，因此設計融合街頭、體育和網絡介面等各種元素，並以黑、白、灰作基本色調。圖案設計將鳥類飛行嘅空氣動力學融入藝術，將團隊獵鷹標誌重新詮釋，再以HUD網絡介面方式呈現。