古有武松打虎，今有美漢打熊。話說最近有一項民調訪問美國人自認係赤手空拳情況下有自信可以打敗邊一種野生動物？結果出奇地美國人自信爆棚，居然有6%美國男人自信可以徒手打贏黑熊，另各有8%猛男甚至覺得自己可以戰勝大猩猩、獅子甚或大笨象。 可能美國人真係好打得，又或者只係去得動物園太多，定還是佢地心目中的熊係黃色叫維尼的小熊？香港男人你又覺得自己可唔可能赤手空拳戰勝黑熊？講明唔係打贏熊本熊同維尼小熊，如果真係畀你有幸遇上熊，打咩野當然係逃避雖可恥但有用。

What animals do Americans think they could beat in a fight? It doesn't look good for the human race...

???? 72% could beat in a fight
???? 69%
???? 61%
???? (medium) 49%
???? 30%
???? (large) 23%
???? 17%
???? 15%
???? 14%
???? 12%
???? 9%
???? 8%
???? 8%
???? 8%
???? 6%https://t.co/lFhqKpyCpK pic.twitter.com/ahmR95ADSg

— YouGov America (@YouGovAmerica) May 14, 2021

網絡上可能有太多教學教你點樣能解野外求生，其中幾乎所有求生大師都講過人類各種身體機能都不如野生動物， 如果人類要同動物硬碰硬打交其實係好難打得贏， 所以喺野外求生必須要做好逃走撤退計劃。 最近美國有一項調查訪問美國人，如果在赤手空拳的情況下，你覺得你可以打敗哪一種動物，結果調查顯示有6%的人相信自己空手可以打贏成年黑熊，有8%的人相信自己打得贏獅子、大猩猩、大象。有12%的人表示自己能夠打敗野狼，而最終一共有72%的人表示，自己可以空手制勝贏老鼠，69%男人覺得自己打得贏家貓。

數據非常之有趣，相信美國男人已經人槍合一，可能由於長期有槍自衛跟身，所以自信覺得見到黑熊、獅子、大猩猩、大象係有力一戰。此外，網站同時有另一調查訪問美國人認為如果動物之間大戰邊一種動物可以成為對戰霸主，當中大象同犀牛成為雙冠軍，各有74%人認同動物格鬥大象或犀牛可以勝出。

我就當然唔係咁睇，作為香港人我見過街頭有野豬幾個大男人圍住野豬追追趕趕都無法戰勝一頭豬，香港男人唯一有自信戰勝的野生動物應該係曱甴 ，仲要唔係赤腳嘅情況之下踩落去，大家講講，你地的自信最強的掙扎可以打贏邊一種野生動物？