大家上網係咪都經歷過要用驗證碼（Captcha）去驗證你係真人，通常做法係由電腦建立文字或圖片區塊，要求大家輸入驗證碼或是選擇正確的圖片，作用係杜絕從遠端以數碼方式登入的行為。不過相信大家對於選擇斑馬線或汽車等圖片已經好厭倦，有一位網絡工程師就決定搞搞新意思讓驗證碼變得有趣，佢加入經典射擊遊戲《DOOM》的原素，用家只要射殺指定數量的敵人就可以成功驗證，成功引起共嗚成為「Product Hunt」最矚目的作品。當然其實呢個驗證碼純粹開心玩下，要破解一下就玩完，其實無法成為主流運作用。

外國程式設計師 Miquel Camps Orteza 近日考慮到好多人都厭煩CAPTCHA 的驗證機制，因此自己做出了「DOOM Captcha」人機驗證，唔再需要填驗證碼或是選圖片，你只要開槍殺死怪物就成功。當然呢個方法比起選圖片甚至打字好玩得多，因此係「Product Hunt」上成功大紅成為最矚目的設計作。不過實際上呢個只能作為娛樂，如果真係用佢作為 Captcha，好容易就會被識得寫Code 的IT人即時破解，無法達到安全的驗証作用。雖然無實際大用，但有得玩已經好開心，畢竟好多人仲好懷疑(念)古代打DOOM時的樂趣。