海洋被污染已經唔係近年嘅事，有留意嘅你都一定知道唔少海域基本已經被塑膠淹沒，實在令人痛心。而自2017年起，adidas就同海洋環保組織Parley for the Oceans聯合舉辦 「Run For the Oceans」全球環保跑步計畫，希望可以出一份力幫到個海洋，而今年當然亦都唔例外啦。

今年Run For The Ocean 2021就會發起環島跑挑戰，當中一直為海洋生態出力嘅多功能藝人余曉彤Hidy就會挑戰55km環島跑，佢每跑一公里，adidas同Parley for the Oceans就會清理海灘及島嶼上相當於10個膠樽重量嘅塑膠廢料，亦即係話跑完55km就等同幫550個膠樽重生，同時adidas亦會捐款支持Parley嘅全球海洋塑料清理行動，通過其環球網絡清理高達500,000磅嘅海洋塑料，

而環島跑挑戰，Hidy將於赤柱出發，期間多位演藝界及運動界精英都會以接力形式一齊跑支持活動，其中包括周國賢、倪晨曦、周漢聶等，希望透過佢地自身嘅努力去影響更多嘅人支持保護海洋，就好似《一秒拳王》咁，唔好以為自己無乜用，其實有啲野真係試過先知可能的。

而由6月1日起，你都可以一齊參加呢項活動，只要利用adidas running app參加Run For the Oceans挑戰，當你完成5公里嘅話，到adidas尖沙咀旗艦店出示app內紀錄，就可以換領Run For the Oceans 特別版跑步T裇一件啦。