日本扭蛋一向層出不窮，無論搞笑玩具定抑或係女學生手寫情信，經常都有意想不到嘅產品出現。最近有網友就喺原宿發現一部名為「抗菌消毒吉祥物」嘅扭蛋機，入面有5款唔同樣式嘅洗手液連支架扭蛋，彷彿記錄緊疫情時代下嘅特有產物。唔知第時會唔會出埋紅外線溫度計呢？

（圖片截自：twitter@AmbroiseVelvet）

扭蛋機副標題亦別具幽默咁寫上「入出口的『那個』東西現在是吉祥物！」，雖然同大家所理解嘅吉祥物好似有啲出入，但佢又冇講錯嘅，洗手液機確實係疫情時代下「入出平安」嘅居家旅行必備工具。全套扭蛋共有5種款式，分別有自動洗手液機、兩款酒精消毒啫喱同埋兩款消毒酒精噴霧，每款300日元（約$21港幣）。

Snagged the last one! ???? pic.twitter.com/YeFkmhUTTN

— Jenny In Japan (@JennInJapan) July 10, 2021

雖然見到呢件「疫情時代紀念品」 都唔知笑好定喊好，無可否認嘅係唔少人都覺得呢款扭蛋非常有趣，部機好快就被人「清空」，有網友就拍低咗自己扭出最後一粒扭蛋。

資料來源：twitter、satoshi-toys