《Fast & Furious》系列兩大男星Vin Diesel同Dwayne Johnson (The Rock) 不和就唔係啲咩新聞，不和到Dwayne Johnson 無參加到6月上映、目前2021年票房冠軍嘅《F9》。不過隨住Vin Diesel指系列仲有最後兩集，而佢早前亦公開否認與Dwayne Johnson不和，只係「嚴厲的愛」，坊間普遍認為Dwayne Johnson有望於系列最後兩集回歸，結果Dwayne Johnson近日就於一個訪問中回應：「不了！」

近日Dwayne Johnson接受《Hollywood Reporter》訪問時，被問到對Vin Diesel「嚴厲的愛」嘅回應，Dwayne Johnson就話：「我笑咗，笑死我」然後佢補充，「我諗大家可以笑下，然後就唔使再理。我希望佢哋過得好，希望《F9》好，希望黎緊嘅《F10》、《F11》以及其他我唔會參與嘅系列電影都好。」

簡單黎講即係Vin Diesel搭出個「嚴厲的愛」落台階，但Dwayne Johnson一腳就踢開佢「我冇諗住落台呀」。

Vin Diesel與Dwayne Johnson嘅恩怨來自拍攝2017年《F8》上映前，Dwayne Johnson於社交網站上公開指《F8》中嘅男演員「有啲人嘅行為像個真正嘅男人及專業演員，但又有啲人唔係。而嗰啲唔係嘅人又無_用所以唔會改善，懦夫！」據估計佢係講緊Vin Diesel拍攝時經常遲到。而又由於Vin Diesel係系列嘅監製，所以《F9》就冇Dwayne Johnson份。

《F9》作為今年目前為止嘅票房冠軍，Vin Diesel又搭好個「嚴厲的愛」落台階，但Dwayne Johnson都選擇一腳踢開佢「我唔諗住落台呀」，睇黎佢會回歸系列嘅機會都微乎其微啦。