野田サトル老師創作嘅《黃金神威 (ゴールデンカムイ)》絕對唔係人氣最高嘅日本動漫，但憑其充滿特色的設定、有血大肉嘅人物，依然都有唔少Fans——你睇佢動畫都播到第三季就知。而近日《集英社》就宣佈，《黃金神威》將會進入最終章，並會將全部連載免費公開。

由2014年開始於《少年Young Jump》上連載嘅《黃金神威》，以日本明治時期的北海道為背景，講述「不死身」杉元與阿伊努族少女阿席莉帕為尋找黃金而展開嘅冒險旅程。據集英社指，《黃金神威》嘅連載將於明日發行嘅《Young Jump》35號正式進入最終章，而所有連載亦會於明日起至9月17日期間免費公開。

野田サトル老師的親筆信

當中有可愛蘿莉又有熱血猛男，有激烈戰鬥又有無厘頭嘅搞笑情節，仲可以學到阿伊努族文化，久唔久仲會突然變成美食動畫，多種元素加埋就成為與別不同嘅特色之作。《黃金神威》曾經拿下2016年「這本漫畫真厲害！」大獎第二名，同年獲得漫畫大賞第一名，2018年亦曾奪得「手塚治虫文化賞第22回 漫畫大獎」。

資料來源：Natalie.mu