為宣傳新戲《Jungle Cruise（幻險森林奇航）》，近日監製John Davis以及John Fox接受外媒Collider訪問，期間提到第五部《Predator（鐵血戰士）》開發進度，透露新作將以「Skull（頭骨）」為標題，由人類女性擔任主角，講述鐵血戰士初到地球嘅起源故事，仲話已經拍咗3/4，風格會類似《The Revenant（復仇勇者）》。

John Davis表示新作將會由人類女性擔任主角，故事模式將會類似第一部《鐵血戰士》，主要想展示堅毅不屈又足智多謀嘅人類，透過觀察同分析擊敗比自己強大、裝備比自己先進嘅敵人，整體風格將會類似Leonardo DiCaprio主演嘅《The Revenant（復仇勇者）》，並話電影拍攝一直相當保密，目前可能已經拍咗四分之三。

女主角或由美國演員Amber Midthunder飾演。

雖然官方冇公開演員陣容、具體劇情以及上映日期，但據外媒ScreenRant報導，據聞故事將會圍繞住由Amber Midthunder飾演嘅美洲土著女主角「Kee」同埋佢細佬「Taabe」，講述Taabe係部落首領指定繼承人，而Kee就設定為一個TB（Tomboy），佢想證明比所有人睇女人都可以成為一名戰士。不過都只係傳聞，實情係點就要等套戲上映先知。