今年46歲嘅Joaquin Phoenix，憑2019年電影《Joker》榮獲奧斯卡影帝，以精湛演技重新詮釋DC大反派Joker，深入刻畫出社會邊緣人嘅自卑同無助，令一眾影迷久久不忘。最近有外媒就影到佢繼出演《Joker》暴瘦後，再為新作《Disappointment Blvd》改造身型，變成白髮蒼蒼嘅啤酒肚禿頭阿叔，實在相當敬業！

當年Joaquin Phoenix為咗出演《Joker》，就曾經迅速減磅23公斤，令自己能夠完美呈現出Joker面臨崩潰嘅精神狀態，依家又為新作瘋狂增肥，令影迷們都好奇佢將會出演一個咩角色。雖然官方未公開具體劇情，但據聞係關於史上最偉大嘅一位企業家、橫跨數十年嘅故事，導演Ari Aster亦透露過呢部作品將會長達4小時。

其實除咗Joaquin Phoenix之外，為人熟悉嘅（Nolan版）Batman演員Christian Bale同樣係一個「變形大師」，無論「皮包骨」、癡肥定係大隻佬身型都試過晒。

Christian Bale亦試過吹脹又縮水。（圖片截自：masala）