如果你細個有睇「明珠930」，咁你好有可能有睇過1995年上映、由Kevin Reynolds執導、Kevin Costner主演兼監製嘅《未來水世界》。而事隔26年後嘅今日，《未來水世界》就宣佈會拍攝於串流平台播放嘅劇集版。

《未來水世界》連埋宣傳，總成本高達2.5億美金，乃係當時有史以來製作成本最高嘅電影，但因為上映後評價不佳，全球票房只係得2.6億，蝕到Universal Pictures入哂骨，最後隨住靠錄影帶上市後評價好轉先有錢賺。而製作人之一John Davis近日就透露將會開拍《未來水世界》嘅劇集，延續地球成為水世界後20年嘅故事。

由於目前劇集仍處於前期階段，連編劇係邊個都唔知，更唔好提會於邊個串流平台播放。但據報與John Davis於《鐵血戰士》續集電影《Skull》中合作嘅Dan Trachtenberg將會執導。演員方面目前亦係未知之數，John Davis就指劇集會係關於「同一班人，二十年後」的故事，或者會見到Kevin Costner回歸？

1995年電影《未來水世界》講述未來的地球水平面上升淹沒所有大地，存活的人類就於廢金屬及破舊船隻上生存。主角「水手」是一名手腳有蹼、耳後有鰓的突變人。故事最後水手一行人找到地球最後一塊陸地，亦即珠穆朗瑪峰，但水手認為自己屬於大海，所以回到海洋。